Olsi Bylyku dhe Egli Tako janë një nga çiftet më simpatik të showbizit. Ata kanë disa vite të dashuruar dhe lidhja e tyre tashmë është konsoliduar. Familjet e tyre njihen prej kohësh me njëra-tjetrën dhe madje ata bashkëjetojnë prej vitesh me njëri-tjetrin.
Marrëdhënia mes tyre është bërë aq e fortë, sa Olsi dhe Egli duket se janë gati të bëhen edhe me fëmijë. Ditën e sotme Olsi ka publikuar një video, në të cilën miqtë e tij, mes tyre edhe Visjan Ukcenaj, kujdesen për fëmijët e tyre. Duke parë këto pamje, Olsit i ka lezetuar të ketë edhe ai një fëmijë, ndaj i ka kërkuar hapur Eglit një bebush.
“Ore po na veni në sedër me bo 1 dhe unë. Po gjithsesi duhet me e diskutu me Egli Takon si investim…”, shkruan Olsi.
Dhe përgjigja nga ana e Eglit ka qenë e menjëhershme. Ajo është treguar e gatshme për një fëmijë, duke ju përgjigjur partnerit:
“Kur të duash”.
Tashmë do të presim e të shohim se kur do t’i vijë koha finalizimit të këtij plani nga ana e çiftit.
E ftuar para disa ditësh në emisionin “Soiree” dhe e pyetur për planet e ndërtimit të një familjeje, Egli u shpreh:
“Unë jam me teorinë që momenti kur unë duhet të bëhem nënë duhet të vijë në kohën e duhur. Asgjë nuk mund ta zëvendësojë prioritetin më të madh në jetë të një femre. As karriera, as muzika, as asgjë. Muzika është dashuria ime, por ka dashuri e dashuri mbi muzikën. Në momentin që të vjen mosha dhe momenti i duhur, patjetër që nuk bëj kompromise për asgjë për të ndërtuar familje”. /iconstyle
