Kuvendi i Shqipërisë do të mblidhet ditën e sotme me kryetare Lindita Nikollën. Ndërkohë që kanë mbetur pak orë nga mabajtja e seancës, është zbuluar rendi i ditës.
Rikujtojmë se gjatë seancës së kaluar plenare u miratua propozimi i Ramës për Lindita Nikollën, Kryetare Parlamenti, seancë e cila u shoqëuar me tensione pasi opozita refuzoi të votonte dhe grisi fletet e votimit.
Gjithashtu mbetet për t’u parë nëse do të marrë pjesë deputeti Sali Berisha në këtë seancë plenare pas “ndarjes” së bujshme nga Partia Demokratike.
RENDI I DITËS
Në mbështetje të Urdhrit nr.1, datë 11.09.2021 të Kryetares së Kuvendit, znj. Lindita Nikolla, rendi i
ditës është si më poshtë vijon:
- Miratimi i procesverbalit të seancave plenare datë 10.09.2021.
(Neni 44, pika 2 e Rregullores) - Njoftime.
(Neni 44, pika 3 e Rregullores) - Projektvendim “Për zgjedhjen e Byrosë dhe përbërjen e Sekretariateve të Kuvendit”.
(Neni 8 i Rregullores) - Projektvendim “Për caktimin e kryesive të komisioneve të përhershme të Kuvendit”.
(Nenet 20-22 të Rregullores) - Projektvendim “Për caktimin e përbërjes së komisioneve të përhershme të Kuvendit”.
(Nenet 20 dhe 21 të Rregullores) - Projektvendim “Për caktimin e anëtarëve zëvendësues në përbërjen e komisioneve të përhershme
të Kuvendit”.
(Neni 21/1 i Rregullores) /albeu.com/
