Një 22-vjeçare iraniane ka humbur jetën disa ditë pasi u arrestua nga policia me arsyetimin se nuk e kishte vendosur siç duhet hixhabin e saj.
Presidenti i Iranit ka urdhëruar një hetim për këtë rast. Policia shprehet se vajza pësoi atak në zemër, madje publikoi një video ku ajo shfaqet në qendrën e edukimit në momentet kur u ndje keq. 22-vjecarja ra në koma por nuk arriti të mbijetonte.
Sipas raportimeve në mediat sociale, Mahsa Amini u arrestua në fillim të kësaj jave nga e ashtuquajtura “polici e moralit” pasi sipas oficerëve vajza nuk e kishte veshur siç duhet hixhabin. Dëshmitarët okularë thanë se Amini u rrah ndërsa ishte brenda një furgon policie.
Policia e Teheranit tha se Amini ishte arrestuar për ”edukim” në lidhje me hixhabin, shaminë e cila është e detyrueshme për të gjitha gratë.
Rasti i Amin ka tërhequr kritika nga shumë emrat të famshëm, sportistë dhe figura të tjera publike iraniane.
Hixhabi është i detyrueshëm për gratë në Iran që pas Revolucionit Islamik të vitit 1979 dhe anëtarët e policisë morale zbatojnë kodin e rreptë të veshjes. Kjo polici është kritikuar vitet e fundit për trajtime cnjerëzore veçanërisht ndaj vajzave.
Udhëheqësi suprem i Iranit, Ayatollah Ali Khamenei, ka mbështetur një qëndrim më të butë ndaj grave që nuk respektojnë kodin zyrtar të veshjes.
Por linjat e ashpra kanë bërë thirrje për ndëshkim të ashpër dhe madje edhe kamxhik, duke argumentuar se nëse gratë tregojnë flokët e tyre kjo çon në prishje të moralit dhe shpërbërje të familjeve.
