Çaji i malit është një nga bimët që rrallë herë mungon në shtëpitë shqiptare. Shumë prej nesh e pijmë atë rregullisht çdo ditë, pa vrarë mendjen për ndryshimet në cilësinë e tij si pasojë e mënyrës së gabuar të ruajtjes. A është i gabuar supozimi se çaji i malit e ruan cilësinë pafundësisht?
Këtë do ta zbuloni duke lexuar këtë artikull të AgroWeb.org që hedh dritë mbi jetëgjatësinë e çajit dhe aspektet e sigurisë së konsumit të tij. Çaji i papërpunuar dhe i papaketuar që është në gjendje natyrale humbet cilësinë e tij shumë më shpejt se çaji në bustinë. Kur është i papaketuar, gjethet e çajit përthithin lagështinë dhe aromat shumë më shpejt se çaji në bustinë.
Të lidhura
None found
Kjo ndodh si pasojë e mënyrës së gabuar të ruajtjes. Megjithatë, çdo lloj çaji ka karakteristikat dhe jetëgjatësi të ndryshme të cilat ndikojnë në cilësinë e tij. Vlerat sigurisht janë më të madhe në çajrat e papërpunuar, por duhet pasur kujdes me ruajtjen.
Çaji i zi i nënshtrohet oksidimit dhe fermentimit të plotë që ka si qëllim të zgjasë jetëgjatësinë e tij. Nëse e ruani siç duhet, çaji i zi i papaketuar është i konsumueshëm për 18 muaj ndërsa në bustinë ai mund të konsumohet brenda 2 viteve.Në rast se nuk përpunohen dhe paketohen, jetëgjatësia e këtyre çajrave është disi më e shkurtër.
Ndonëse substancat mirëbërëse të çajrave mbeten të paprekur, ekspertët, sipas të dhënave të AgroWeb.org, këshillojnë që këto çajra të konsumohen brenda një viti nga data e mbledhjes. Megjithatë, disa prej tyre e ruajnë aromën dhe shijen edhe 18 muaj nga data e mbledhjes. Çajrat përmbajnë vajra esencialë të cilët nëse ekspozohen ndaj lagështisë, thartohen.
Përtharja e vajrave esencialë të bimës dallohet kur gjethet bëhen tepër të thata.
AgroWeb.org ju këshillon mënyrat e mëposhtme për të kuptuar nëse çaji është tejet i vjetëruar.
Nuhatini Gjethet
Nëse vini re që çaji ka humbur aromën e tij karakteristike e të ndezur, atëherë me siguri vajrat esencialë kanë avulluar.
Kjo nënkupton se çajit i mungon shija dhe aroma e mirë.
Ziejeni
Nëse e zieni çajin për rreth 3 deri në 5 minuta dhe sërish aroma është tepër e zbehtë për të zgjuar shqisat tuaja, atëherë gjethet janë të vjetëruara.
Nëse gjethet e çajit janë të lagështa ose janë ndotur me substanca të tjera, atëherë ato do të ngjajnë të pluhurosura.
Aroma e gjetheve mund të jetë si ajo e mykut. Kjo është një këmbanë alarmi që çaji duhet hedhur.
Çaji i vjetëruar nuk e sëmur njeriun por shija dhe aroma e tij nuk janë aspak të këndshme për t’u konsumuar.
Nëse çajrat nuk ruhen në një enë të mbyllur fort, ato do të përthithin aromat e tjera në dollapet e kuzhinës.
Çaji duhet mbajtur në një enë të mbyllur fort me kapak.
Ena duhet mbajtur në një ambient të freskët dhe jo të ndriçuar shumë.
Temperatura ideale e ambientit duhet të jetë 15-25 gradë Celcius.
Nëse keni një larmi çajrash, secilin prej tyre duhet ta ruani veçmas.
Kjo vlen edhe për çajrat me bustinë dhe ato me gjethe të freskëta.
