Një avion është rrëzuar ditën e sotme duke lënë të vdekur 4 persona në bord.
Sipas informacioneve, avioni i përkiste ambulancës së Abu Dabit dhe ende nuk janë zbuluar rrethanat e plota të rrëzimit të tij.
Të dhënat tregojnë se në mesin e viktimave janë dy pilotë, një mjek civil dhe një infermier. Policia njofton se kanë humbur jetën: Trajneri pilot Khamis Saeed Al-Holy, Nënkoloneli Nasser Muhammad Al-Rashidi, si dhe civilët Dr Shahid Farouk Gholam dhe infermierja Joel Qiui Sakara Minto.
Autoritetet shprehën ngushëllime për familjet, miqtë dhe kolegët e viktimave të këtij aksidenti./albeu.com
