Pas aksidentit të helikopterit të EUFOR-it pranë Brçkos, në Bosnje-Hercegovinë, ku tre persona humbën jetën dhe 12 të tjerë u plagosën, ka reaguar ministri për Evropën dhe Punët e Jashtme, Ferit Hoxha.
Përmes një postimi në rrjetin social X, Hoxha përcolli ngushëllimet për familjet e viktimave dhe shprehu solidaritetin e Shqipërisë me Italinë, si edhe me të gjithë komunitetin e EUFOR-it.
Të lidhura
None found
“Me trishtim të thellë mora lajmin për ngjarjen tragjike pranë Brçkos në Bosnje-Hercegovinë, ku u përfshi një helikopter i EUFOR-it dhe humbën jetën tre persona, ndërsa 12 të tjerë u plagosën.
U shprehim ngushëllimet tona të sinqerta familjeve të viktimave, Qeverisë dhe popullit të Italisë. Mendimet tona janë me të gjithë të plagosurit, të cilëve u dëshirojmë shërim të shpejtë dhe të plotë.
Në këtë çast të vështirë, Shqipëria i qëndron pranë Italisë, vendit mik dhe aleatit tonë në NATO, si dhe gjithë komunitetit të EUFOR-it. Personeli shqiptar shërben me krenari së bashku me kolegët italianë dhe ushtarakë të tjerë, në kuadër të përpjekjes së përbashkët për paqen dhe stabilitetin në Bosnje-Hercegovinë”, shkroi Hoxha.
