Anu Prattipati, e Ngarkuara me Punë e Ambasadës së SHBA-së në Kosovë, priti në ambasadë gjeneralin Alexus Grynkewich, komandant të Komandës Evropiane të SHBA-së (EUCOM) dhe Komandant Suprem të Forcave Aleate të NATO-s në Evropë (SACEUR).
Ambasada Amerikane në Kosovë bëri të ditur se vizita pasqyron vlerësimin e Shteteve të Bashkuara për misionin e KFOR-it, të udhëhequr nga NATO-ja, dhe përkushtimin e tij për të garantuar një mjedis të sigurt për të gjitha komunitetet në Kosovë.
Të lidhura
None found
Takimi u zhvillua në kuadër të angazhimit të vazhdueshëm amerikan për sigurinë dhe stabilitetin në Kosovë. Në këtë përpjekje, KFOR-i ka një rol të rëndësishëm në ruajtjen e sigurisë dhe qetësisë për të gjithë qytetarët.
Ambasada Amerikane theksoi rëndësinë e misionit të KFOR-it dhe përkushtimin e tij për sigurinë e të gjitha komuniteteve, në përputhje me mandatin e këtij misioni të udhëhequr nga NATO-ja.
