Rama mbetet pa fjalë! Dalin pamjet e tufave me para që do blinin votat e dibranëve (VIDEO)

Mbrëmjen e sotme në Opinion janë bërë publike pamjet e numërimit të lekëve në Dibër, Maqellarë, ku u kap dhe sekuestrua një makinë.

Brenda makinës gjendeshin dy punonjës bashkie, të cilët sipas të dhënave të deritanishme po blinin vota në fshatrat e Maqellarës, Dibër.

Makina u mbajt peng për gati 1 orë nga mbështetës të PD të cilët pritën policinë dhe Prokurorinë për të hapur dhe zbuluar shumat e parave që deri tani raportohet të jetë nga 5 deri në 7 milion lekë.

Sic mund t’a shihni edhe në video, kryeministri Rama ka mbetur pa fjalë, ndërkohë kandidati i PS në qarkun Dibër deklaroi se nuk ka asnjë informacion.

Pyetje: Zoti Rama këto janë pamje që janë publikuar sot. A janë strukturat e juaja që po blejnë vota?

Rama: Ajo që dimë zyrtarisht, është se ka një strukturë të armatosur të pranuar edhe nga PD, të cilët kanë vrarë një njeri. Kanë plagosur një efektiv policie, me pretendimin se do të blejnë votën. /albeu.com/

 

Shtuar 22.04.2021 09:04