Rama: Ligji për rritjen e pagave miratohet këtë javë në Parlament

Pas takimit me qytetarët e Klosit dhe Matit, kryeministri, Edi Rama u takua sot me qytetërët e Dibrës, në kuadër të turit falenderues për zgjedhjet e 14 majit, ku PS fitoi shumicën dërmuese të bashkive në vend.

Teksa falenderoi të gjithë ara që i dhanë votën, Rama foli edhe për premtimin e tij elektoral për rritjen e pagave.

Ai tha se ligji për rritjen e pagave në parlament do të miratohet këtë të enjte, në seancën plenare.

Rama tha se rritja do të nisë të aplikohet menjëherë dhe kategoritë që përfitojnë nga ky vendim do të marrin bashkë me majin edhe shtesën për muajin prill.

“Ligji për rritjen e pagave kalon në parlament këtë javë. Arsyeja pse ligji ngeci është se unë i thosha qeverisë dhe deputetëve që do ju rritet rroga të fundit fare. Ministrat ranë dakord. Kur shkojmë në parlament deputetët thonë i duam pagat tani se lodhemi shumë. Me kalimin e ligjit të pagave që do garantojnë fillimin e rritjes së madhe që kemi thënë. Pagat e rritura do të merren që nga 1 Prill që shkoi. Kur të merret paga e parë të mos kujtojnë se ajo që është ajo e muajit. Do jetë edhe paga e prillit, dhe e majit. Votat i kemi marrë, zgjedhjet kanë mbaruar. Megjithëse ka kaluar kohë për shkak të vonesës, vonesën nuk e do e paguajnë ata që marrin pagën por do marrin atë që është premtuar. Prillin që vjen rritja do të përfundojnë të gjithë dhe do të kemi në Shqipëri një pagë mesatare 900 euro”, tha kryeministri./albeu.com/