Sot revolta qytetare ndaj qeverisë ka hyrë në një tjetër moment kulmor. Në ditën e 28-të radhazi të protestave në Tiranë, organizatorët kanë thirrur një manifestim të madh kombëtar, duke kërkuar pjesëmarrje sa më të gjerë nga të gjitha qytetet dhe diaspora.
Në sheshin Skënderbej kanë nisur të mblidhen protestuesit e parë. Sipas planit të parashikuar, pasi të përqendrohen në qendër të kryeqytetit, qytetarët do të nisen në një marshim masiv drejt bulevardit Dëshmorët e Kombit, ku do të ndalen përpara godinës së Kryeministrisë.
Të lidhura
None found
Një element dallues i tubimit të kësaj dite, krahas përmasës mbarëkombëtare, është edhe prania e mbështetjes ndërkombëtare në terren. Në këtë ditë të 28-të të revoltës, protestës pritet t’i bashkohen edhe eurodeputetë, të cilët kanë mbërritur në Tiranë për të ndjekur nga afër zhvillimet dhe për të mbështetur kërkesat e qytetarëve për transparencë dhe shtet të së drejtës.
Edhe në këtë protestë, ashtu si në ditët e mëparshme, kërkesat kryesore mbeten të njëjta: dorëheqja e menjëhershme e kryeministrit Edi Rama, ngritja e një qeverie teknike tranzitore dhe barazia e plotë përpara ligjit.
