Zyrtarët e lartë të SPAK-ut, përfshirë Altin Dumanin, kanë përfunduar vizitën e tyre studimore në Uashington DC këtë javë së bashku me anëtarët e ekipit të Zyrës së Ambasadës për Zhvillimin, Ndihmën dhe Trajnimin e Prokurorisë Jashtë Vendit (OPDAT).
Prokurorët e SPAK u nisën drejt SHBA-ve pas lëshimit të masave, “detyrim paraqitje” për ish-kryeministrin Sali Berisha dhe “arrest me burg” për dhëndrin e tij Jamarbër Malltezi në lidhje me çështjen e privatizimit të ish-kompleksit Partizani. Gjithashtu dhe pas hetimeve të tjera të bujshme, për krimin e organizuar dhe korrupsionin në nivel të lartë.
Nga hetimi i këtyre dosjeve, prokurorët e posaçëm kanë marrë kërcënime dhe sulme politike, dhe duket se janë thirrur nëSHBA për mbështetje morale.
Tashmë ata ndodhen në Shqipëri dhe pritet të nisin me hetimin e dosjeve të tjera të bujshme.
Njoftimi i Ambasadës së SHBA në Shqipëri:
Zyrtarët e lartë të SPAK-ut përfunduan vizitën e tyre studimore në Uashington DC këtë javë së bashku me anëtarët e ekipit të Zyrës së Ambasadës për Zhvillimin, Ndihmën dhe Trajnimin e Prokurorisë Jashtë Vendit (OPDAT).
Kreu i SPAK-ut Altin Dumani dhe anëtarët e delegacionit u takuan me Zëvendës Ndihmës Prokurorin e Përgjithshëm dhe Këshilltarin për Çështjet Ndërkombëtare Bruce C. Swartz, si dhe Koordinatorin e Departamentit të Shtetit për Anti-Korrupsionin Global Richard Nephew.
Delegacioni u takua gjithashtu me Njësinë e Operacioneve Speciale të Administratës kundër Narkotikëve (DEA).
