Një person ka vdekur pasi është goditur nga rrufeja në orët e vona të së enjtes. Gazeta Express shkruan se lajmin e ka konfirmuar zëdhënësi i Policisë së Kosovës për rajonin e Prizrenit, Vesel Gashi.
“Një person ka vdekur pasi është goditur nga rrufeja. Viktima R.V., 55-vjeçar ka qenë me traktor duke mbledhur sanë, në momentin që rrufeja e goditi. Fqinjët e tij intervenuan duke ia dhënë ndihmën e parë, edhe pse gjendja e tij ishte shumë e rëndë. I njëjti u dërgua në spital, por përkundër përpjekjeve të mjekëve, 55-vjeçari ndërroi jetë,” ka thënë ai.
