Një ngjarje e rëndë ka ndodhur në Korçë, ku një person ka gjetur vdekjen pasi është përmbysur traktori me të cilin po punonte.
Aksidenti ka ndodhur pranë fshatit Polenë duke e zënë poshtë shtetasin e identifikuar si Barjam Trendafili.
Ndërkohë policia ka shkuar në vendin e ngjarjes dhe po punon për zbardhjen e plotë të aksidentit.
Njoftimi
Korçë/Informacion paraprak
Më datë 28.04.2021, rreth orës 13:20, në rrugën Qatrom-Polenë, pranë vendit të quajtur “Ura e Polenës”, shtetasi B. T., rreth 55 vjeç, banues në fshatin Ravonik-Korçë, duke drejtuar një mjet bujqësor tip traktor, ka rënë nga ura dhe për pasojë ka gjetur vdekjen e menjëhershme.
Grupi hetimor po punon për zbardhjen e rrethanave të aksidentit.