Deputetët e Kuvendit të Shqipërisë do t’i rikthehen punës parlamentare të martën, më 8 shtator 2026, në orën 17:00. Seanca do të shënojë nisjen zyrtare të Sesionit të III-të të Legjislaturës së XI-të.
Thirrja e seancës është bërë nga Kryetari i Kuvendit, Niko Peleshi, përmes urdhrit nr. 51, datë 4 shtator 2026. Kjo do të jetë mbledhja e parë plenare publike pas përfundimit të pushimeve të verës.
Të lidhura
None found
Rendi i ditës parashikon tri çështje kryesore.
Pika e parë lidhet me hapjen e punimeve të Sesionit të III-të të Legjislaturës së XI-të të Kuvendit të Shqipërisë, në përputhje me nenin 74, pika 1 të Kushtetutës dhe Rregulloren e Kuvendit.
Më pas, deputetët do të shqyrtojnë dhe miratojnë procesverbalet e seancës së fundit plenare, e cila u zhvillua më 27 korrik 2026.
Në përfundim janë parashikuar njoftimet zyrtare për projektligjet e depozituara dhe nismat e reja parlamentare.
Rikthimi i parlamentit pritet të zhvillohet në një klimë të tensionuar politike. Opozita vijon aksionin e saj, ndërsa debatet dhe përplasjet institucionale mbeten në qendër të zhvillimeve në vend.
