Emiljano Ndou, 25 vjeç u vra mbrëmjen e djeshme në Shkodër, me breshëri plumbash kallashnikovi nga 47 vjeçari Mark Kodra.
47 vjeçari ka thënë në Polici se i riu “ia kishte sjell në majë të hundës” pasi i kishte ngacmuar vajzat.
Emiljano Ndou lëvizte me një motor sportiv në zonë dhe fqinji pretendonte se duke i dhënë gaz motorit në rrugën para shtëpisë së tij, ai i ngacmonte vajzat.
Dy fqinjët kanë pasur dhe më parë konflikte me njëri-tjetrin, pikërisht për dyshimet se 25 vjeçari ngacmonte vajzat e autorit 47 vjeçar.
Mark Kodra është arrestuar nga Policia pas ngjarjes pasi nuk ka tentuar të largohet, por ka pritur me armë në shtëpi derisa Blutë e Shkodrës ta prangosnin.
