Edhe sot, bulevardi përballë Kryeministrisë u mbush sërish me thirrje të forta dhe mesazhe të qarta nga qytetarët që prej më shumë se një muaji po protestojnë vazhdimisht.
Gjatë tubimit, një qytetare mori fjalën dhe u ndal te çështjet e pronave, ndarja e zonave dhe ligjet që, sipas saj, po i shkaktojnë dëme të rënda shoqërisë shqiptare, duke kërkuar që kreu i qeverisë të largohet menjëherë.
Të lidhura
None found
Ajo foli edhe për gabimet e politikës së viteve të shkuara, por theksoi se sot personi që përbën rrezikun kryesor dhe që duhet të largohet është Edi Rama.
Sipas protestueses, vendimet e marra nga kreu i ekzekutivit po prekin interesat e qytetarëve dhe të territorit të vendit, ndaj ai, siç tha ajo, nuk ka më legjitimitet për t’i përfaqësuar.
“Rama duhet të ikë për zonat që po u jep të tjerëve! Jemi në një mendje, ai duhet të japë dorëheqjen. E them ‘ai’ sepse Rama nuk është më kryeministri ynë! Na ka tërhequr zvarrë me ligjet e tij! Nuk e duam më!”, deklaroi ajo me tone të revoltuara para turmës.
