Makina përfshihet nga flakët në ‘Qafën e Qarrit’, shpëton mrekullisht shoferi

Mesditen e sotme, një makinë është përfshirë nga flakët, në aksin rrugor kombëtar Kolonjë-Korçë. Sipas informacioneve paraprake, mësohet se një mjet tip “Benz” ka marrë zjarr në afërsi të Qafës së Qarrit, duke u djegur thuajse plotësisht.

Nuk dihen ende shkaqet, por drejtuesi fatmirësisht ka dalë jashtë në kohë pa marrë dëmtime.

Zjarrfikësja ka mbërritur në vendin e ngjarjes për të bërë fikjen e zjarrit, ndërsa policia ka nisur veprimet për rastin.