Kuvendi mban një minutë heshtje për masakrën e Mejës

Kuvendi i Republikës së Shqipërisë ka mbajtur një minutë heshtje për masakrën e Mejës në Kosovë, e kryer 32 vjet më parë nga forcat serbe.

23 vjet më parë, forcat serbe rrethuan Rekën e Keqe dhe Lugun e Carragojës në rrethinën e Gjakovës. Brenda disa orëve u krye ekzekutimi që konsiderohet të jetë më makabër dhe masakra më e madhe në luftën e Kosovës gjatë viteve 1998-1999.

Në një operacion të planifikuar u ndërprenë të gjitha rrugët, duke lënë të hapura vetëm dy rrugë në drejtim të Mejës. Grumbullimi i djemve dhe burrave në grupe nga mosha 15-60 vjeç filloi në orët e hershme të mëngjesit. Aty u goditën 15 fshatra të rrethit të Gjakovës, duke i ekzekutuar të gjithë djemtë dhe burrat shtëpi për shtëpi.

Më 21 prill, një javë para masakrës u vranë pesë policë serbë dhe një oficer në një pritë. Një fshatar nga Meja iu tha hulumtuesve të Human Rights ëatch : “Pesë policët u vranë në një makinë, një Opel Ascona ngjyrë kafe. Ata erdhën te ne disa minuta para se të vriteshin, duke pyetur: “ku është UÇK?” Ata u larguan dhe pastaj ne dëgjuam të shtënat e bazukës”.

Njëri prej oficerëve të vrarë ishte komandanti i policisë Milutin Praçević, drejtuesi i një njësie që, sipas dëshmitarëve, kryente spastrimin etnik të shqiptarëve në zonë. Të tjerët ishin Ljubodrag Lazarević, Boban Lazovic, Naser Arifaj dhe Miladin Dončić. Sulmi ndaj Praçević është renditur si një motiv i mundshëm për inicimin e operacionit Reka. Sipas dëshmive të Kryetarit të Departamentit të Sigurisë së Divizionit të Ushtrisë Jugosllave në Prishtinë, Momir Stojanović, Operacioni Reka ishte planifikuar para se të vriteshin policët serbë dhe misioni i tij ishte, ‘’të neutralizonte elementet terroriste në zonë’’.