Komisionerja Marta Kos deklaroi se mbrojtja e mjedisit, edhe në rastin e projektit konkret, përfshihet në kriteret që duhen përmbushur për anëtarësimin në Bashkimin Evropian.
Ajo bëri të ditur se, përpara nisjes së protestave, ishte arritur një marrëveshje me Shqipërinë që brenda këtij viti të shfuqizoheshin ligji për investimet strategjike dhe amendamentet e vitit 2014. Kos u bëri thirrje autoriteteve që këtë angazhim ta përmbushin sa më shpejt që të jetë e mundur.
Të lidhura
None found
Sipas saj, protestat dhe mënyra se si shtetet reagojnë ndaj tyre janë pjesë e proceseve demokratike. Komisionerja theksoi gjithashtu se anëtarësimi është një proces i vazhdueshëm dhe se Shqipëria duhet ta përafrojë legjislacionin në përputhje me dakordësinë e arritur.
