Komisioni i Ankesave dhe Sanksioneve në Komisionin Qendror të Zgjedhjeve u mblodh sot rreth orës 11:00 për të vendosur se cilës prej partive të vogla iu takon numëruesi i katërt.
Sipas vendimit, është rrëzuar kërkesa e PDIU-së dhe numëruesi i katërt do t’i takojë LSI-së.
Disa ditë më parë përfaqësuesit e PDIU dhe LSI u përplasën, pasi PDIU pretendon që referuar rezultatit të vitit 2017, numëruesi i katërt duhet të ndahej me short me LSI-në, pasi të dy partitë janë në opozitë.
Por KQZ nuk i dha të drejtë PDIU duke vendosur që komisioneri i katërt ti takojë LSI-së. Kryetari i KQZ-së, Ilirjan Celibashi mohoi kërkesën e PDIU duke argumentuar që partisë së Idrizit nuk i takon numërues pasi është në koalicion me PD.
PDIU paraqiti një ankesë pranë KAS dhe komisioni vendosi ta rrëzojë sot kërkesën. Në tavolinat e numërimit të votave të zgjedhjeve parlamentare të 25 prillit 2021, 4 numëruesit do ti takojnë, 2 PS-së, 1 PD-së dhe 1 LSI-së.
