Paraditen e kësaj të diele, një banesë në fshatin Rrëmbec, pjesë e bashkisë Maliq, u përfshi nga zjarri pas shpërthimit të dy bombolave të gazit.
Të dhënat paraprake tregojnë se bombolat përdoreshin nga familja për gatim, ndërsa dyshohet se pikërisht shpërthimi i tyre ka sjellë ndezjen e flakëve.
Të lidhura
None found
Njerëzit që ndodheshin në banesë kanë mundur të dalin në kohë dhe, fatmirësisht, nuk kanë marrë lëndime.
Në vendngjarje shkuan forcat zjarrfikëse të bashkisë Maliq, të cilat arritën të vënë nën kontroll zjarrin dhe të parandalojnë përhapjen e tij te objektet pranë.
Ndërkohë, policia është në vendin e ngjarjes dhe ka nisur hetimet për të sqaruar rrethanat dhe për të përcaktuar shkaqet e plota të incidentit.
