Gana siguroi tri pikë me shumë peshë në Grupin L, pasi mposhti Panamanë 1-0 me një gol dramatik të Caleb Yirenkyt në minutën e pestë të kohës shtesë. Suksesi erdhi pasi Kroacia ishte mundur 4-2 nga Anglia në ndeshjen hapëse të grupit.
Ky realizim i mesfushorit 20-vjeçar nuk solli vetëm fitoren minimale për Ganën, por i dha atij edhe një vend në historinë e Kupës së Botës. Në moshën 20 vjeç e 153 ditë, Yirenkyi u bë futbollisti më i ri që ka shënuar një gol fitoreje në kohën shtesë në historinë e Botërorëve.
Të lidhura
None found
Me këtë rekord, lojtari nga Gana la pas një arritje që kishte mbetur në fuqi për 36 vjet. Rekordin e mëparshëm e mbante uruguaiani Daniel Fonseca, i cili në Kupën e Botës 1990 shënoi golin vendimtar ndaj Koresë së Jugut në moshën 20 vjeç e 281 ditë.
Në renditjen historike pas Yirenkyt dhe Fonsecas vijnë Haris Seferović, që realizoi për Zvicrën kundër Ekuadorit në vitin 2014 në moshën 22 vjeç e 113 ditë, Harry Kane për Anglinë ndaj Tunizisë në Botërorin 2018 në moshën 24 vjeç e 325 ditë, si dhe Edgar Davids, që i siguroi Holandës fitoren përballë Jugosllavisë në vitin 1998 në moshën 25 vjeç e 108 ditë.
Me golin që vulosi triumfin ndaj Panamasë në fundin dramatik të takimit, Yirenkyi tashmë e ka shkruar emrin e tij në librat e historisë së Kupës së Botës.
