Pas zyrtarizimit të Oltijon Kërnajës në pankinë, Flamurtari ka vijuar ndryshimet edhe në strukturën drejtuese. Burime të “Newsport.al” bëjnë me dije se kuqezinjtë kanë përcaktuar tashmë edhe emrin e drejtorit të ri sportiv.
Detyra në fjalë te skuadra vlonjate do t’i besohet Fabjan Beqjas. Në moshën 32-vjeçare, ai vendos t’i japë fund futbollit të luajtur dhe rikthehet në Vlorë në një rol të ri, jo më si futbollist, por si drejtor sportiv.
Të lidhura
None found
Bëhet fjalë për një zgjedhje surprizë nga ana e Flamurtarit, që i beson merkaton një ish-lojtari të klubit. Sa i takon rrugëtimit të tij në fushë, Beqja e nisi karrierën te Teuta, për të vijuar më pas me Besën, Gjilanin dhe Flamurtarin.
Tashmë durrsaku do të përballet me një mision jo të lehtë: ndërtimin e organikës që do ta kthente Flamurtarin në elitën e futbollit shqiptar.
