Një aksident rrugor në Athinë i mori jetën regjisores dhe skenaristes greke Maria Tsioli, e cila ishte vetëm 29 vjeçe. Vdekja e saj ndërpreu një rrugëtim premtues në kinematografi.
Të lidhura
None found
Maria Tsioli ndodhej mes viktimave të përplasjes së ndodhur në Bulevardin Alexandras. Lajmi i rëndë ka tronditur familjarët, miqtë dhe kolegët e saj, me të cilët kishte punuar ndër vite.
Edhe pse në moshë të re, Tsioli ishte afirmuar në skenën e kinematografisë greke. Veprat e saj ishin shfaqur gjithashtu në festivale të rëndësishme ndërkombëtare.
Regjisorja kishte planifikuar që në vjeshtën e këtij viti të niste xhirimet e projektit të saj të ri, “Perasma” (“Kalimi”). Ngjarjet e filmit do të zhvilloheshin në zonën e Agrafas, kryesisht në Megala Vraggiana, dhe do të tregonin jetën e një bariu adoleshent në një fshat.
Pas ndarjes së saj nga jeta, familjarët dhe bashkëpunëtorët kanë vendosur të përpiqen që filmi të realizohet dhe të ndiqet ideja artistike që kishte ndërtuar Maria.
Kryebashkiaku i Agrafas, Alexis Kardabikis, bëri të ditur lajmin dhe rrëfeu se kishte komunikuar me Tsiolin dhe producentin Spyros Skandalos gjatë fazës së përgatitjes së projektit.
Sipas Kardabikis, bashkia do të ofrojë gjithë mbështetjen e nevojshme për realizimin e filmit, në përputhje me mënyrën se si e kishte imagjinuar dhe ëndërruar regjisorja.
