I përfshirë në skema korruptive, kërkohet 6 muaj burg për ish-presidentin Sarkozy

Prokuroria e Francës ka kërkuar gjashtë muaj burg për ish-presidentin Nicolas Sarkozy, i cili akuzohet për korrupsion. Sipas Reuters, prokurorët kanë vendosur të mos komentojnë kërkesën e tyre për heqjen e lirisë me 6 muaj për ish-presidentin.

Dy ditë më parë, ish-presidenti, mohoi akuzat në gjyqin rreth financimit të paligjshëm në fushatën e vitit 2012, ku ai doli humbës,. Sarkozy, pretendoi se shpenzimet e kryera nuk ishin përgjegjësi e tij dhe se ai nuk kishte lidhje me korrupsionin.

Pavarësisht dëshmisë së tij, prokurorët pretendojnë se partia konservatore e Sarkozy shpenzoi gati dyfishin e 22.5 milionë eurove të lejuara sipas ligjit zgjedhor për fushatat, duke shtuar, se për të fshehur koston, ish-presidenti punësoi një agjenci që trajton çështjet e marrëdhënies me publikun.

Përveç këtyre akuzave, mbi ish-presidentin po shqyrtohen edhe akuza të tjera, pasi dyshohet se ka marrë para të paligjshme nga biznesmeni Liliane Bettencourt gjatë fushatës së tij të suksesshme presidenciale në 2007.

Shtuar 17.06.2021 19:53