Këtë të enjte, teksa ishte e ftuar në studion e News24, deputetja e Partisë Socialiste Iris Luarasi, ka komentuar marrjen të pandehur të zv/kryeministres Belinda Balluku nga SPAK, për shkelje të barazisë në tendera, për ndërtimin e tunelit të Llogarasë.
Luarasi u shpreh se ky është një proces që i takon drejtësisë dhe Partia Socialiste sipas saj, “duke qenë një nga promotorët e reformës në drejtësi”, e ka të qartë që nuk ndërhyn.
Të lidhura
None found
Ajo përmendi rastin e Erion Veliajt, duke thënë se edhe kur PS ka opinionet e saj, drejtësia është “vija e kuqe” që nuk kalohet për socialistët.
“Marrja e pandehur e zonjës Balluku mendoj se është proces që i takon drejtësisë dhe PS duke qenë një nga promotorët e reformës në drejtësi e ka bërë të qartë që nuk ndërhyn edhe si në rastin e zotit Veliaj, edhe kur ka opinionet e veta, kjo është e vetmja vijë e kuqe që nuk kalohet”, u shpreh Luarasi.
