Avokati Gentian Serjani është shprehur se shumë personat e margjinalizuar janë të detyruar të lypin për shkak se nuk ka një politik për punësimin e tyre.
I ftuar në emisionin “Good Morning Albanians” në Euronews Albania, ai tha ndër të tjera se këto persona shfrytëzohen dhe nga grupet kriminale.
Avokati ndër të tjera nënvizoi se lypja është kthyer për shumë persona si profesion .
“Për shkak se nuk ka mundësi punësimi, për shkak se nuk ka pasur një politikë të mirë të integrimit të tyre, të punësimit të tyre, të aftësimit të tyre për të kontribuar në shoqëri ata janë përshtatur me lypjen. Ata e kanë kthyer në profesion. Shohim që sot grupet kriminale e kanë shumë më të lehtë të shfrytëzojnë lypësit për të kryer veprime kriminale. A duhet të marrim masa që t’i parandalojmë, patjetër që po”, theksoi ai.
