Artan Hoxha: Pse nuk vendoset GPS? Kapni “kokat” jo shoferët

Tre ditë më parë Prokuroria e Posaçme Kundër Korrupsionit dhe Krimit të Organizuar ka marrë vendimin për të sekuestruar kompaninë “Alba Exotic Fruit” pasi kjo kompani u kthye një “fabrikë furnizimi” me kokainë të Shqipërisë nga Amerika Latine.

Hetimet e këtij procedimi penal lidhen me faktet e konstatuara të kapjes në disa raste (6 herë) të sasive të kokainës në ngarkesat e importuara në Portin e Durrësit nga “Alba Exotic Fruit”.

Ndërkohë i ftuar në ABC Live, gazetari Artan Hoxha ka deklaruar se hetuesit duhet të punojnë për kapjen e kokës së këtij grupi dhe jo të mjaftohen me bllokimin e lëndës narkotike.

Hoxha më tej ka bërë thirrje që pakove të kokainës kur zbulohen tu vendosen GPS dhe të kapin personin kryesor që pret drogën. Në këtë mënyrë sipas tij do goditej i gjithë grupi dhe jo të pritej zinxhiri pa shkuar tek porositësi.

“Sasitë e vogla ngjall dyshim. Sasitë që vijnë nga Ekuadori  vijnë mbi 100 kg janë sasi të mëdha. 300-400-600 apo 150 kg. Sasi të vogla janë kur testohet linja kalon apo nuk kalon.” tha Hoxha.

“Lënda narkotike është vendosur nga jashtë. Se edhe atje skanohet kontejneri. Qëndron në pritje dhe aty vendoset jashtë kokaina.  Si është e mundur që në 5 raste dhe vetëm në një ka ikur e kanë vjedhur. Kaq e vështirë është të vendosin një GPS dhe ta ndjekin. Sukses është edhe nëse e kap edhe 1 gram. Por ke kapur disa ngarkesa. Janë grafikë që i vijnë kontejnerët nga Amerika Latine. Vendosi GPS dhe kape “kokën”. Pse ndërpritet aty? Ne tek vrasjet duam të këpusim zinxhirin. Ndërsa tek droga mos e presin… se duhet gjetur koka. Nëse doni të zbuloni kush është marrësi i kokainës duhet ta lënë të shkojë në burim. Lëreni të shkojë dhe ta gjejnë. Se nuk është vetëm 1 ngarkesë por 5. Se dikush do vijë ta marri. Mënyra si është vepruar, askush nuk është interesuar të zbulojë kush është pas kësaj kompanie. Ai në kërkim që në korrik ndërsa vijon kokaina.”

Shtuar 18.10.2021 12:56