Një 65-vjeçar ka rënë në prangat e policisë së Pogradecit këtë të mërkurë, pasi në banesën e tij u gjetën armë të tipit kallashnikov dhe municione të tjera si fitila të dyshuara granate dhe tritoli.
Arrestimi i 65-vjeçarit i identifikuar si shtetasi Xh.Cake u bë në kuadër të një aksioni policor që u zhvillua sot në Pogradec.
Burime paraprake bëjnë me dije se 65 vjeçari u kap në banesë me armë të tipit kallashnikov, ndërsa gjatë kontrollit ju gjetën municione të tjera, si edhe fitila të dyshuara si fitila granate dhe tritoli.
Aksioni u finalizua vetëm pak momente më parë, ndërsa në vendngjarje kanë mbërritur forca të shumta policie që do të bëjnë hetimin lidhur me këtë person.
I arrestuari ë Xh. Cake iu shoqërua në komisariatin e Pogradecit. Priten më tepër detaje në vijim lidhur me këtë ngjarje.
