Gjykata ka lënë në burg Igli Madanin, autorin e aksidentit të rëndë në aksin Vlorë-Fier që shkaktoi vdekjen e 4 anëtarëve të së njëjtës familje.
Seanca gjyqësore është drejtuar nga Viola Canaj.
22-vjeçari Igli Madani ndodhet i shtruar në spitalin e Traumës Tiranë pas dëmtimeve të marra gjatë përplasjes.
Medani rrezikon në 20 vjet heqje lirie, pasi u mori jetën katër anëtarëve të së njëjtës familje, Eduart, Silvana , Eva dhe Anastasia Gushi.
Igli Madani veç problemeve me drogën, rezulton të ketë gjashtë gjoba si drejtues makine. Konkretisht, njëra prej tyre është për shpejtësi, dy për parakalim të gabuar, 1 për xhama të zinj dhe 2 të tjera për shkelje të sinjalistikës.