Në një intervistë për News24, kreu i partisë “Mundësia” theksoi se Edi Rama do të kujtohet si udhëheqësi që i dha Shqipërisë tre ekzekutivë të korruptuar.
Shehaj u është përgjigjur gjithashtu akuzave të kreut të Grupit Parlamentar të PS-së, duke nënvizuar se ai nuk ka asnjë arsye të merret me pronat e tij, ndërkohë që vetë banon në një nga ndërtesat më të shtrenjta të kryeqytetit.
Të lidhura
None found
“Taulant Balla merret me pronat e mia. Ai nuk e di që Rama zotëron një vilë, katër godina, të cilat i ka deklaruar me vlerë 400 mijë euro. Taulant Balla nuk i di këto. Nuk e di se çfarë pune i bën Edi Ramës. Nuk e dinë të gjithë që Taulant Balla ka deklaruar një apartament me një çmim qesharak, ndërsa jeton te Ambasador 3, në një prej kullave më luksoze të Tiranës. Të gjithë e dinë. Por ne duhet të përqendrohemi tek e ardhmja. Balla dhe Edi Rama i përkasin së shkuarës. Ata të gjithë paraqiten çdo ditë para SPAK-ut dhe janë të tmerruar prej tij, ndaj më dërgojnë Ulsi Manjën. Taulant Balla mbahet mend si një individ aq i korruptuar dhe i përfolur, sa njerëzit përdorin emrin e tij për të kërkuar para. Vite më parë u dënua dikush që i kishte çuar mesazh një biznesmeni duke thënë ‘jam Taulant Balla, më duhen 100 mijë euro’. U hetua dhe u dënua…”, deklaroi ai.
