Pasditen e sotme është kapur në portin e Durrësit 300 kg kokainë. Policia bëri me dije se ka arrestuar drejtuesin e mjetit i cili është nga Maqedonia e Veriut. Task Forca gjeti të fshehur në trupin e kamionit sasinë e kokainës e cila u sekuestrua në cilësinë e provës materiale.
Ndërkohë lidhur me ngjarjen shoferi i kamionit ka dëshmuar se nuk ka asnjë dijeni për drogën.
“Nuk kam dijeni për drogën, unë transportoj materiale ndërtimi”, ka thënë shoferi 40 vjeçar.
Grupi hetimor, nën drejtimin e Prokurorisë së Rrethit Gjyqësor Durrës vijon veprimet hetimore për dokumentimin e plotë kësaj veprimtarie kriminale, identifikimin dhe kapjen e personave të tjerë të përfshirë në të.
