Një ngjarje e rëndë është regjistruar mëngjesin e kësaj të hëne, ku një 28-vjeçar humbi jetën aksidentalisht teksa po punonte në një kantier ndërtimi, në zonën e ish-Kinostudios në Tiranë.
I riu ra nga lartësia e një pallati shtatë katësh.
Kolegët e tij që ishin në vendngjarje, kanë rrëfyer se 28-vjeçari kishte vetëm 20 minuta që kishte marrë turnin.
Në momentin e aksidentit fatal, i riu po mbushte disa kova me llaç në lartësinë e objektit.
Për këtë ngjarje të rëndë, është shoqëruar drejtuesi teknik i punimeve.
Sipas informacioneve, pallati ku ndodhi ngjarja nuk është i rrethuar sipas kushteve teknike.
