Gjatë 6 muajve të parë të vitit 2026, diaspora ka transferuar në Kosovë gjithsej 692 milionë euro.
Të lidhura
None found
Banka Qendrore e Kosovës raporton se remitencat shënuan rritje prej 5.7 për qind në krahasim me të njëjtën periudhë të vitit 2025.
Gjermania mbetet vendi që kontribuon më së shumti në këto dërgesa, duke përbërë 38.2 për qind të totalit, përcjell OEK, transmeton KosovaPress.
Zvicra zë vendin e dytë me 20.4 për qind, ndërsa nga Shtetet e Bashkuara të Amerikës vijnë 6.4 për qind e remitencave.
Gjatë periudhës nga viti 2008 deri më 2025, shuma e përgjithshme e dërgesave të diasporës arriti në 15.2 miliardë euro.
Remitencat vijojnë të jenë një faktor i rëndësishëm për ekonominë e Kosovës. Në dekadën e fundit, ato kanë përbërë rreth 12 deri në 14 për qind të Bruto Produktit Vendor.
