Kolonel Sam Sargeant, komandant i Komandës Rajonale Lindje të KFOR-it, është takuar në objektin e komunës me kryetarin e Komunës së Zveçanit, Dragisha Miloviq.
Të lidhura
None found
Sipas një njoftimi të publikuar në rrjetin social Facebook, ky takim është zhvilluar në kuadër të angazhimit të rregullt që KFOR-i mban me udhëheqësit vendorë.
Në qendër të bisedimeve kanë qenë gjendja e sigurisë, si edhe çështjet që kanë ndikim në komunë.
Gjatë takimit, kolonel Sargeant theksoi përkushtimin e KFOR-it për bashkëpunim të ngushtë me institucionet vendore, me synimin për të forcuar bashkëveprimin dhe për të ndihmuar në krijimin e një ambienti të sigurt për të gjithë njerëzit që jetojnë në Kosovë, në mënyrë të paanshme dhe transparente.
