Gjilani ka arritur të shënojë fitore ndaj Llapit me rezultat 2-1 në ndeshjen e javës së shtatë të BKT Superligës së Kosovës.
Francisco Rivera rrezikoi fillimisht për të treguar se Llapi ka ardhur për të marr pikë në Gjilan.
Të lidhura
None found
Në minutën e 19-të ishte pikërisht Rivera që shënoi për 1-0, duke i dhënë Llapit epërsinë.
Ky ishte goli i vetëm në këtë pjesëlojë, ndërsa pjesa e dytë doli të jetë shumë interesante.Gjilani fitoi penallti në minutën e 65-të, pas kontrollimit të VAR, ku shihej ndërhyrja jo sportive e Kushtrim Shabanit në Elton Calen.
Nga pika e bardhë doli të jetë i saktë Gerhard Progni për 1-1.
Në minutën e 83-të sërish ka ndërhyrë VAR-i, duke bërë që Muhamed Dubova i Gjilanit të ndëshkohet me karton të kuq.
Por Gjilani donte fitoren dhe golin e epërsisë e arriti në minutën e 87-të, ku Armend Halili shënoi me kokë pas një topi të ardhur nga rivënia këndore (2-1).
Arbnor Ramadani kishte dy gjuajtje të bukura në kohën shtesë, por në të dyja rastet Enea Koliqi ishte në vend.
Gjilani pas fitores kalon në vendin e tretë me 12 pikë, ndërsa Llapi mbetet i fundit me vetëm 3 pikë.
