Gjeneral brigade Mehmet Lladrovci, komandant i Forcave Tokësore të Forcës së Sigurisë së Kosovës, priti në një vizitë zyrtare gjenerallejtënant Sebahattin Kilinç, komandant i Komandës së Përbashkët Strategjike Ndërkombëtare, i cili shoqërohej nga delegacioni i tij.
Të lidhura
None found
Takimi u mbajt në Komandën e Forcave Tokësore. Sipas një komunikate për media, bisedimet u përqendruan te proceset aktuale të zhvillimit të FSK-së, veçanërisht te forcimi i kapaciteteve të kësaj komande.
Siç bëhet e ditur në njoftim, pala turke ndau përvojën e Forcave të Armatosura të Republikës së Turqisë për zhvillimin profesional dhe rritjen e kapaciteteve të personelit të FSK-së. Në këtë kuadër, u nënvizua rëndësia e mundësive të shkollimit dhe trajnimit në Turqi.
Në mbyllje, të dyja palët shprehën vlerësim të lartë për bashkëpunimin dhe partneritetin mes dy forcave, si dhe gatishmërinë për t’i vazhduar e thelluar më tej marrëdhëniet bashkëpunuese.
