U.d. e Presidentes së Kosovës, Albulena Haxhiu, ka njoftuar vendimin për lirimin nga detyra të 18 gjyqtarëve serbë, të cilët kishin dhënë dorëheqje në vitin 2022.
Të lidhura
None found
Sipas Haxhiut, masa është ndërmarrë pas rekomandimit të Këshillit Gjyqësor të Kosovës dhe është bazuar në kompetencat kushtetuese e ligjore.
“Sot, pas propozimit të Këshillit Gjyqësor të Kosovës dhe në përputhje me përgjegjësitë kushtetuese dhe ligjore, kam liruar nga detyra 18 gjyqtarë serbë që kishin dhënë dorëheqje në vitin 2022”, ka deklaruar ajo.
Vendimi është pjesë e procedurave institucionale që synojnë rregullimin e situatës së krijuar pas largimit me dorëheqje të gjyqtarëve serbë nga institucionet e drejtësisë.
