Nesër zhvillohet seanca për 14 të arrestuarit e protestës, qytetarët paralajmërojnë praninë para Gjykatës

Qytetarët kanë bërë të ditur se nesër, në orën 10:00, do të mblidhen pranë Gjykatës së Tiranës, ku pritet të caktohen masat e sigurisë për 14 personat e arrestuar. Ata u ndaluan dy ditë më parë pas përplasjeve fizike me efektivët e policisë.

Gjatë tubimit, forca të shumta të Policisë së Shtetit dhe të FNSH-së u vendosën në zonë, ndërsa policia ndërhyri për shpërndarjen e protestuesve.

Në vijim të përleshjeve, në polici u shoqërua edhe një prej organizatorëve të protestës, Dritan Goxhaj.

Protestuesit vijojnë të kërkojnë largimin e Edi Ramës nga detyra.