Hetimet për zjarrin që përfshiu një fabrikë polake të prodhimit të dronëve po përqendrohen edhe te mundësia e një akti sabotimi.
Të lidhura
None found
Ministri i Brendshëm i Polonisë, Marcin Kierwinski, tha të martën se informacionet e mbledhura deri tani mbështesin këtë pistë. “Gjithçka tregon për një akt sabotimi”, deklaroi ai për gazetarët.
Të hënën, prokurorët polakë bënë të ditur se kishin hapur një hetim për të sqaruar nëse shërbime të huaja inteligjence mund të kenë marrë pjesë në shkaktimin e qëllimshëm të zjarrit.
Flakët shpërthyen në orët e para të së hënës në një godinë prodhuese në Skarzysko-Kamienna, e cila është në pronësi të kompanisë polake të dronëve WB Electronics.
Sipas vlerësimeve paraprake, dëmet materiale arrijnë rreth 15 milionë zloty, shumë kjo që korrespondon me afërsisht 3.5 milionë euro.
Produktet e kësaj kompanie përdoren gjithashtu nga ushtria ukrainase.
Autoritetet polake po verifikojnë nëse zjarri ishte i qëllimshëm, ndërsa në kuadër të hetimit po shqyrtohet edhe mundësia e përfshirjes së shërbimeve të huaja të inteligjencës.
Më herët, shtete evropiane kanë akuzuar Rusinë se qëndron pas një serie incidentesh të dyshuara sabotimi në Evropë. Moska i ka hedhur poshtë këto akuza.
