Simptoma helmimi prej tre ditësh, banorët e Fushë-Arrëzit në urgjencë: Uji ka erë të rëndë

Prej tre ditësh, në Urgjencën e Spitalit të Fushë-Arrëzit, janë paraqitur qytetarë me shenja të intoksikimit, ndërsa janë regjistruar disa raste helmimi.

Banorët e prekur kanë ngritur shqetësimin për cilësinë e ujit të pijshëm, duke thënë se ai shoqërohet me një erë shumë të rëndë.

Për shkak të problemit me ujin e rrjetit, qytetarët i kanë deklaruar News24 se po detyrohen të sigurojnë ujë nga krojet për nevojat e tyre.