Albin Kurti, kryetar i Lëvizjes Vetëvendosje, dhe Lumir Abdixhiku, drejtues i Lidhjes Demokratike të Kosovës, pritet të ulen sot përsëri në bisedime për të gjetur një marrëveshje lidhur me zgjedhjen e presidentit të ri të Kosovës dhe për të kapërcyer bllokadën politike.
Të lidhura
None found
Takimi, sipas raportimeve të mediave, është planifikuar të zhvillohet në ora 12:00.
Dy liderët janë takuar disa herë gjatë ditëve të fundit. Në qendër të diskutimeve ka qenë përcaktimi i një zgjidhjeje për zgjedhjen e presidentit, si dhe mundësia e shmangies së zgjedhjeve të reja.
Biseda e fundit mes Kurtit dhe Abdixhikut u mbajt të shtunën mbrëma, ndërsa në përfundim të saj palët nuk dhanë informacione konkrete për atë që ishte diskutuar.
Kurti u shpreh shkurt se lajmet do të bëhen të ditura atëherë kur të ketë rezultate.
Deri tani, asnjëra palë nuk ka konfirmuar nëse është arritur pajtim për emrin e presidentit. Për këtë arsye, takimi i sotëm shihet si një përpjekje tjetër për të arritur një marrëveshje politike.
