Kryetari i Drenasit, Ramiz Lladrovci, u ka bërë apel qytetarëve që të marrin pjesë në marshin që do të zhvillohet më 12 shtator në sheshin “Skënderbeu” në Prishtinë.
Të lidhura
None found
Përmes një publikimi në Facebook, ai ka kërkuar mbështetjen e qytetarëve për tubimin në solidaritet me ish-krerët e UÇK-së, të cilët po qëndrojnë në paraburgim në Hagë.
Lladrovci ka njoftuar se tubimi do të nisë në orën 14:00, duke theksuar se pjesëmarrësit do të mblidhen për të përkrahur liderët e luftës dhe të paqes.
“Gjithmonë të bashkuar për lirinë, për UÇK-në. Liri për çlirimtarët!”, ka shkruar ai në mesazhin e tij.
Marshi mbahet në mbështetje të katër ish-pjesëtarëve të Ushtrisë Çlirimtare të Kosovës, Hashim Thaçi, Kadri Veseli, Rexhep Selimi dhe Jakup Krasniqi, pak para shpalljes së vendimit përfundimtar më 16 shtator në Hagë.
