Kurti dhe Abdixhiku nisin bisedimet për kandidatët presidencialë

Kryetari i Vetëvendosjes, Albin Kurti, dhe kryetari i LDK-së, Lumir Abdixhiku, kanë nisur takimin e tyre në Kuvendin e Kosovës.

Diskutimet e sotme pritet të përqendrohen te propozimet e secilës palë për kandidatët për president, me synim arritjen e një konsensusi për këtë post.

Takimi i fundit mes Kurtit dhe Abdixhikut u zhvillua pasditen e 18 gushtit. Në përfundim të tij, të dy liderët njoftuan se në takimin pasues do të trajtonin emra konkretë për president.