Vetëm pak orë pas lëkundjeve me magnitudë 7.7 ballë, të cilat shkaktuan qindra viktima, një tjetër tërmet prej 6.9 ballësh goditi Sumatrën veriore në Indonezi, sipas Shërbimit Gjeologjik të SHBA-së (USGS).
Të lidhura
None found
Vatra e tërmetit u përcaktua në Pematangsiandar, 126 kilometra larg Medanit, kryeqytetit në pjesën perëndimore të Indonezisë, ndërsa thellësia fokale arriti në 158 kilometra.
Deri në këtë fazë, bilanci i tërmetit të parë me magnitudë 7.7 ballë është 40 viktima.
Për shkak se shtrihet në Unazën e Zjarrit të Paqësorit, arkipelagu i madh indonezian përballet shpesh me veprimtari sizmike dhe vullkanike.
Në të njëjtën kohë, Qendra Gjermane e Gjeoshkencave njoftoi se një tërmet me magnitudë 5.8 ballë goditi brigjet veriore të Papua Guinesë së Re. Thellësia fokale e kësaj lëkundjeje u regjistrua në 10 kilometra.
