Gjendja shëndetësore e Thimjo Rubatit, 50-vjeçarit që mbeti i plagosur në atentatin e së premtes në mbrëmje në Sarandë dhe u dërgua më pas në spitalin e Janinës, është stabilizuar. Ai tashmë ndodhet jashtë rrezikut për jetën.
Sipas burimeve pranë spitalit të Janinës, në trupin e tij janë konstatuar tre plumba arme zjarri. Dy prej tyre ndodhen pranë mëlçisë, ndërsa një tjetër në kërbisht.
Të lidhura
None found
Asnjë organ jetësor nuk është dëmtuar nga predhat. Fillimisht, në spitalin e Sarandës, të plagosurit iu dha ndihma e parë dhe dy flakonë gjak, ndërsa më pas mori trajtim më të specializuar nga kirurgët grekë.
Me zbardhjen e ditës së sotme, grupi hetimor është rikthyer në vendin ku ndodhi ngjarja. Në një zonë të gjerë po sigurohen pamje nga kamerat e sigurisë dhe prova të tjera, ndërkohë që disa persona po merren në pyetje.
