Dy personat që humbën jetën në aksidentin e rëndë rrugor në fshatin Qyrkan, pjesë e Njësisë Administrative Gostime në Bashkinë Cërrik, janë identifikuar.
Viktimat janë Qemal Çala, 63 vjeç, dhe Drilon Tabaku. Ata ndërruan jetë në vendin e ngjarjes pas përplasjes së fortë ballore mes dy automjeteve, të cilat pësuan dëmtime të rënda dhe u shkatërruan plotësisht.
Të lidhura
None found
Ngjarja me dy viktima ka tronditur banorët e zonës së Mollasit. Në vendngjarje mbërritën shërbimet e emergjencës dhe grupi hetimor i policisë, që po punon për të rindërtuar të gjithë dinamikën e aksidentit.
Sipas dyshimeve paraprake, goditja frontale mes mjeteve rezultoi fatale për të dy drejtuesit/pasagjerët. Shkaku dhe rrethanat e plota të ngjarjes pritet të sqarohen përmes ekspertizave dhe hetimeve të autoriteteve.
