Një 32-vjeçar me inicialet B.S. nga fshati Glumovë, rajoni i Shkupit, është privuar nga liria dje pasdite në orën 18:15 në aksin rrugor Gostivar – Tetovë, te kryqëzimi afër fshatit Kamjan, njoftoi Ministria e Punëve të Brendshme.
Të lidhura
None found
Sipas MPB-së, ndalimi është kryer nga zyrtarët policorë të Stacionit Policor për Siguri në Komunikacionin Rrugor në Tetovë, pasi gjatë kontrollit të trafikut dhe matjes me radar kanë ndaluar një automjet të pasagjerëve “Volkswagen Polo” me targa të Shkupit, që drejtohej nga ai.
Pas ndërmarrjes së masave, është konstatuar se ai po lëvizte me shpejtësi 168 kilometra në orë në një segment ku, sipas sinjalizimit rrugor, kufiri i lejuar është 80 kilometra në orë.
Nga MPB bëjnë të ditur se B.S. është mbajtur në Stacionin Policor dhe, pas dokumentimit të plotë të rastit, ndaj tij do të parashtrohen kallëzimet përkatëse.
