Sistemi “Qyteti i Sigurt” nisi zbatimin më 12 tetor në Ohër, Strugë, Dibër dhe Kërçovë. Gjatë dhjetë ditëve të para u evidentuan shumë shkelje, ku 85% e gjobave u shqiptuan për tejkalim të shpejtësisë së lejuar.
Në zonën që mbulohet nga SPB Ohër u regjistruan gjithsej 1415 shkelje. Sipas zëdhënësit Stefan Dimovski, shkelja më e shpeshtë ishte tejkalimi i shpejtësisë, me 1211 raste.
Të lidhura
None found
Dimovski vlerëson se sistemi Safe City mund të ndihmojë në parandalimin e aksidenteve dhe në uljen e numrit të aksidenteve me pasoja fatale.
“Çdo tejkalim i shpejtësisë krijon rrezik dhe mund të çojë në një aksident. Për këtë arsye, një ndër synimet kryesore të Safe City është pakësimi i aksidenteve, veçanërisht i atyre që shkaktojnë vdekje ose lëndime të rënda”, tha Dimovski.
Qytetarët kanë qëndrime të ndryshme për Safe City. Disa thonë se shoferët kanë treguar më shumë kujdes gjatë dhjetë ditëve të fundit, ndërsa të tjerë mendojnë se ndikimi ende nuk është vënë re, pasi njerëzit nuk janë përshtatur me këtë mënyrë të gjobitjes.
