Presidenti turk Recep Tayyip Erdogan deklaroi se Turqia vijon të jetë e përkushtuar për të dhënë kontribut në arritjen e paqes në botë, ndërsa vuri në dukje bashkëpunimin me presidentin amerikan Donald Trump për çështjet kryesore ndërkombëtare.
Të lidhura
None found
Pas takimit dypalësh me Trumpin, Erdogan tha se të dy udhëheqësit janë të vendosur të ndërmarrin hapa konkretë në funksion të paqes.
“Unë dhe kolegët e mi po punojmë së bashku për të hedhur një hap përpara drejt paqes botërore, duke bërë gjithçka që është në fuqinë tonë. Me mikun tim të dashur, Donald Trump, theksuam rëndësinë e këtij samiti të liderëve për arritjen e paqes në Gaza”, u shpreh Erdogan.
Ai bëri të ditur gjithashtu se në bisedimet me Trumpin do të përfshihen edhe zhvillimet më të fundit të luftës mes Rusisë dhe Ukrainës.
“Do të diskutoj edhe zhvillimet mes Rusisë dhe Ukrainës me mikun tim të nderuar dhe do të ndërmarrim hapat e nevojshëm”, deklaroi Erdogan.
Këto deklarata të presidentit turk vijnë në një moment kur përpjekjet diplomatike për armëpushim dhe për zgjidhjen e konflikteve në Gaza dhe Ukrainë mbeten në fokus të komunitetit ndërkombëtar.
